_edited.png)
唯珍牽毛孩
唯珍牽為自負盈虧家庭式動物暫托場所🏡，為流浪無家待領養或有需要動物提供中途住宿及照顧，讓無家毛孩更容易適應入屋生活，並盡心盡意為毛孩尋找適合的領養家庭，服侍一生一世💕🐶🐶💕
唯珍牽每個小朋友都不需再過日曬雨淋, 蚊叮蛇咬的日子💒。而每個月都需面對龐大的電費、租金、糧食短缺等的問題，甚至每時每刻都在擔憂巨額的醫療費支出。尤其是肥仔，他的心臟病問題藥物可減緩他病情惡化，但心臟病藥加上治療的費用令唯珍牽的支出雪上加霜。
唯珍媽媽也不忍小朋友捱苦和病痛的折磨，經營這10年來一直是靠好心人和自給自足補💰在唯珍牽。只希望小朋友健健康康開開心心，也有不定時開設教育活動和講座，教育新一代以領養代替購買和愛護動物的知識。
肥仔
肥仔我今年13歲啦♥
Regina媽媽接我翻唯珍牽個陣，因為我有心臟病，醫生話我淨係得翻4個月時間。
但係好彩Regina媽媽冇放棄我，我好努力係唯珍牽證明左俾媽媽睇醫生都會錯嘅！！
但係我都知道其實我啲醫藥費都唔平，希望會有好心人可以幫輕下媽媽負擔~
烏卒卒
大家好，我叫烏卒卒~ 今年一歲，超級聰明同為食！
我已經由一位大男孩變左做公公了QAQ
我原本住係坪輋，係被主人遺棄的鏈犬。因被牽引繩綁住係極其惡劣環境居住，好彩有好心村民對外求助並得到「籠鏈犬關注」及劉鎮海議員的幫助。宜家係唯珍牽暫托及尋找一個愛我嘅家。
我宜家係超級活潑、聰明、為食、親人，而且可以同其他狗做朋友！
威威
大家好(๑╹◡╹)ﾉ” 我係超級為食嘅5歲威威，有得食你叫我做咩都得嫁！！而且我係一個超級溫柔BOY！
我係一位好心人帶到唯珍牽暫托及尋找一個愛護同唔會再被遺棄的的家，希望可以擁有自由奔跑、玩耍同埋有乾淨糧食和環境。
囡囡
大家好，我叫囡囡💖
顧名思義我係一位女仔～
前排我係大旗嶺被人遺棄左😢
好彩唯珍牽媽媽收到求助後願意收留我。
奇奇
大家好，我叫奇奇~係奇蹟嘅奇喔！！
係一位聰明BOY！今年4歲啦♥我曾經是倉狗，
因為性格很溫順，經常被其他狗狗欺負和搶食物。
最後，被其他狗狗打到頭部爆了，倉主不願帶我看醫生。頭部的傷口有手掌那般大，被烏蠅蟲吸食好深到頭骨。
好彩黎到唯珍牽，媽媽帶我睇醫生同洗傷口，我在洗傷口的過程中非常配合嫁！好good嫁！傷口好快就愈合。
媽媽覺得呢個係一個奇蹟，所以幫我改名為奇奇♡
樽樽
大家好，我叫樽樽💖
我係一位5歲嘅安靜女仔～
我比較慢熱，但我其實好親人，可愛，而且可夾狗
我個名嘅由來就搞笑啦。我曾經因貪吃，個頭塞左入大蒸餾膠樽裡面，搞到頸部受傷。
我係唯珍牽住左近3年啦，媽媽由我皮膚好差養到我宜家超級多毛毛~
啲毛毛蓬鬆到簡直係令其他狗羨慕死.(๑><๑)۶
希望我可以快啲搵到愛我同明白我嘅主人啦~
輝輝
大家好，我叫輝輝。
我係一個4歲嘅小女孩👧
雖然我份人比較 慢熱，但係熟左之後就會變得可愛癡人💕 偷偷地同你講，其實我都幾為食㗎😗
我好多謝唯珍媽媽嫁~
佢教識左我好多野❀(๑╯◡╰๑)❀ 令到我變得有耐性
番薯
番薯我係一個暖心肌肉男孩。
我本身係一條村裡面嘅流浪狗，但因為村民唔鍾意我所以報漁農處拉我😣
好彩一直餵我嘅姐姐救左我帶我返唯珍牽。
Regina媽媽一直好俾心機咁湊我~
所以我好希望有人可以減輕救我嘅姐姐同Regina媽媽嘅負擔♥
其實唔好睇我咁內向，我熟左之後幾fun幾忠心嫁
熊仔
大家好，我叫熊仔(●￣(ｴ)￣●)
我係一位怕醜5歲BOY~
我係某地區被義工發現我自己一個係街頭，
被其他狗狗欺負，血流滿面，
義工救起我送到唯珍牽醫治。
頭頭
我嘅原名叫黃糖，細佬叫冰糖，另外一個弟弟叫焦糖。我地三兄弟仲係BB、需要餵奶嘅時候，被一名義工叔叔在山上發現。因為叔叔成日叫我做 黃頭 就改名叫 【頭頭】。後尾因為我係山上面好蠢，經常受傷亦被其他狗打，所以每個月都會黎到唯 珍牽醫治傷口。後尾我因為「飛趾」卡住係鐵絲網不能動彈，強行扯出爛肉。叔叔本身想做完手術休養好後就安排放翻我去深山。但唯珍媽媽唔忍心我又被人打和欺負，經常受傷，決定收留我係唯珍牽呢個避風塘♥
媽媽亦都唔打算出領養~ 因為我好細膽同埋好依賴媽媽，所以一直留在唯珍牽❀(๑╯◡╰๑)❀
鴨鴨
我個真名叫唐老鴨。⊙︿⊙
我係一隻被唯珍媽媽救助的雀仔，我嘅爸爸媽媽本身築巢係唯珍牽屋頂，但誕下BB後我地嘅父母並沒有歸來。後來唯珍媽媽盡力救援雀仔們，只剩低我一個。嘉道理同媽媽講BB養活率極低，所以一直都係唯珍媽媽湊大我。
我好調皮嫁！我成日都會講「我叫鴨鴨，媽媽呢？」，仲會學唯珍媽媽咳咳.(๑><๑)۶
我好鍾意企係人地個頭上面同佢地玩~如果你地有機會黎唯珍牽做義工，歡迎比我騎劫你地個頭！
Mocha
你地好，我叫Mocha♡
今年2歲， 我因為原主人家庭轉變無法繼續照顧，所以我同Whisky一齊被唯珍媽媽收留。
我比較易適應，一有零食出現，我就會探頭去食！
雖然我會驚陌生人，但其實我有陣時都想要摸摸。
我對唯珍媽媽&義工相處多了後會主動出黎接觸❤
我希望可以搵到可以接納我地兩姊妹一起領養嘅家庭~
Whiskey
你地好，我叫Whiskey♡
今年2歲，已經絕左育。 我因為原主人家庭轉變無法繼續照顧，所以我同Mocha一齊被唯珍媽媽收留。
我比較慢熱，需要好多時間和耐心融化她對人類的抗拒，但其實我好為食..(๑><๑)۶你地都見到其實我係一架大卡車黎
我對唯珍媽媽&義工相處多了後會主動出黎接觸架❤
我希望可以搵到可以接納我地兩姊妹一起領養嘅家庭~
哺哺
大家好，我叫哺哺💖
我係一位已絕育嘅男仔，2024年8月出世
我因原主人家庭轉變黎到唯珍牽。我鍾意食乾糧多過罐頭，識自己喝水。我自問性格好親人，會追住人不停叫。超級貪食，有好食嘅會不停大叫！！
任人魚肉ლ(´ڡ`ლ)，喜歡同人相處，最鍾意 係人的兩隻腳中間睡覺和拍屁屁，有人摸摸就煲水。
細龜
大家好，我係細龜，雖然我細細隻，但其實我都30歲，步入中年ヽ(✿ﾟ▽ﾟ)ノ
因為我原主人已經移民，但移民國家冇得入口巴西龜。所以安置我同大龜係唯珍牽。
大龜
大家好，我係大龜，雖然我都30歲，步入中年，但我就唔似我個兄弟咁，我比較霸氣！⊙︿⊙
咁先夠man！！
因為我原主人已經移民，但移民國家冇得入口巴西龜。所以安置我同細龜係唯珍牽。